Søk i katalogen

Reservering av bøker og andre media

"Meg og mitt" Fornying av bøker og andre media 

Om websøk

Aktuelt frå biblioteket

Bli venn med biblioteket på facebook!

Samnanger Folkebibliotek | Lag eit visittkort

Biblioteket treng gateadressa di!

For å vera litt føre var så vil me prøva å få nye gateadressene registert i datasystemet vårt, før posten begynnar å senda brev i retur på grunn av manglande gateadresse. 

Me ønskjer også gjerne å registera e-postadresser og/eller mobilnummer til dei som ønskjer raskare beskjedar frå biblioteket. 

Du kan sjekka kva opplysningar me har på deg ved å logga inn på Meg og mitt i websøket vårt. Lånenummeret ditt er tala som står under strekkoden på lånekortet ditt. Du kan oppdatera opplysningane dine når du er innlogga.

Kontaktinformasjon til biblioteket:

E-post: bibliotek@samnanger.kommune.no 

Telefon: 56 58 74 55

Statistikk for 2009

Utlånet gjekk diverre ned med 21 % samanlikna med utlånet for 2008. Besøkstalet gjekk ned med 30 % samanlikna med 2007. 

I september tok me i bruk ein ny versjon av biblioteksystemet Mikormarc. Statistikkdelen er mangelfull enda, så eg får diverre ikkje laga liste over dei mest utlånte bøkene, filmane og lydbøkene eller rekna på så mykje annan spanande statistikk. Ut ifrå aktive reserveringar me har no kan eg sei at den mest populære boka på tampen av 2009 var "Panserhjerte" av Jo Nesbø. Filmen som har flest reserveringar er "Hannah Montana".

Me får håpa at de som lånarar har lyst å komma oftare på biblioteket i 2010. Me tar gjerne imot innspel på kortid biblioteket bør vera ope, så ser me kva me kan gjera i høve til dei personalresursane me har.

Kom på biblioteket og lån filmane og bøkene du ønska deg -men ikkje fekk til jul:-)

Tema for utstillingar i feburar

• Fortsetjing følgjer : første bok i kriminalseriar

• Prinsesser

• Balanse

• Bokkrok for menn

Mangateikneseriar

Norske forlag har diverre slutta å gje ut fleire av seriane dei har omsett tidlegare. Me  kjøper derfor inn fortsetjingane av seriane merka med* på svensk.

Oversikt over seriar me har:

• Dragonball og Dragonball Z

• Inu Yasha*

• Love Hina

• Mesterdetektiven Conan*

• One piece*

• Ranma 1/2

• Chrono crusade

Høyring, skulebruksplan - bibliotek i fleirbrukshall?

I skulebruksplanen som hadde høyringsfrist 29. oktober var det forslag om plassering av eit nytt bibliotek i ein fleirbrukshall. Les Samnanger folkebibliotek sin høyringsuttale her.

Websøk

Biblioteket har fått nytt websøk: asp.bibits.no/samnanger-fb/

Sidene er ganske like på dei gamle, men det er komme inn ein ny funksjon. Dei som har Internet Explorer 7 eller nyare, Firefox eller annan nettlesar som støttar det kan abonnera på RSS på nyhende og søk du gjer sjølv. På denne måten kan ein følgja med på nye bøker og andre media som kjem på biblioteket, alt etter kva ein er interessert i.

Slektssoge for Samnanger

Svein Egil Kvale har skrive ei ny slektssoge for  Samnanger. Det står stor respekt av alt arbeidet han har lagt ned! 

Den nye slektssoga startar der den førre slektssoga sluttar. (Nils Lauvskard: Samnanger. Soga um bygdi, gardarne og ætterne", bind 1, 1930. Samnanger : soga um gardane og ættene", bind 2, 1954.) Kvale har teke med rettingar og familiar som ikkje var nemnd i Lauvskard si bok.

Boka er illustrert med flyfoto frå 1962 og 2007.

Soga blir seld i ekspedisjonen og på biblioteket på kommunehuset, på Solheim Autoservice og i banken på Bjørkheim. 

Pris kr. 400.-

Det er framleis mogeleg å få kjøpt slektssoga til Lauvskard. Bøkene er til sals i banken og i ekspedisjonen på kommunehuset. (E-post: eksp@samnanger.kommune.no). Del 1 kostar kr. 250.- og del 2 kostar kr. 150.-.

Alle bøkene er til utlån på biblioteket.

(Sida vart sist oppdatert 17.02.2010 .)

Kommentar:

Arkiv