Velkomen til Samnanger kommune sine internettsider. Gi gjerne tilbakemelding om sidene, eller kom med idêar om stoff/innhald. Dato for siste oppdatering: 08.03.2010. 

Engasjerte ungdomar under kommunestyret si behandling av sak om fleirbrukshall i Samnanger torsdag 18.02.2010. (Klikk på biletet for å opna det i større versjon). 

Innskriving av elevar i grunnskulen i Samnanger 2010
Det vert innskriving av nye 1. klassingar (barn fødde i 2004 eller tidlegare, og som ikkje har teke til på skulen) på Gjerde skule måndag 22.03.2010 og onsdag 24.03.2010. 
Les meir.

Kulturstipend for unge  -  søknadsfrist 22.03.2010
Samnanger kommune lyser ut eit kulturstipend for ungdom mellom 13 og 25 år. Søknadsfrist er 22.03.2010. 
Les meir.

Ledig aldersbustad
Samnanger kommune har ledige aldersbustad på Skjervo (Haga). Søknadsfrist er 12.03.2010. 
Les meir.

Foring av hjort
Dei store snømengdene i låglandet fører til at hjorten slit med å finna mat fleire stader. Viltnemnda oppmodar derfor grunneigarar som kjenner til område der det står hjort om å hjelpa han med å skaffa mat. 
Les meir.

Kunngjering av betalingssatsar for bygge-/delingssaker, plansaker, kart/oppmåling m.m. 
Kommunestyret vedtok 18.02.2010 nytt betalingsregulativ for bygge-/delingssaker, plansaker, kart/oppmåling m.m. Regulativet vert gjort gjeldande frå 01.04.2010. 
Les meir.

Inn på tunet-løftet
Samnanger kommune vurderer å søkja om nasjonale midlar innan Inn på tunet-løftet. Dersom dette skal gjerast, må me ha eit samarbeid med lokale bønder som er interesserte i ordninga.   
Les meir. 

Skulestruktur i Samnanger:  Barneskulane vert slått saman frå august 2010. Ungdomsskulen vert framleis på Tysse. 
Kommunestyret vedtok 18.02.2010 å oppretthalda vedtaket sitt frå desember 2009 om å slå saman dei to barneskulane i kommunen frå august 2010. Barneskulen vert lokalisert på Gjerde. 

Kommunestyret omgjorde 18.02.2010 sitt tidlegare vedtak om flytting av ungdomsskulen frå Tysse til Nordbygda og bestemte at ungdomsskulen framleis skal vera på Tysse.  
Les meir.

Fleirbrukshall i Samnanger: Kommunestyret vedtok målsetting om bygging av fleirbrukshall.
Kommunestyret vedtok 18.02.2010 målsetting om bygging av fleirbrukshall i området mellom Bjørkheim og bussgarasjen i Haukaneset. 
Les meir.

Vil du verta fritidskontakt?
Fleire personar med nedsett funksjonsevne ønskjer nokon som kan bruka nokre timar i månaden til å vera saman med dei på for eksempel kulturtilbod, fysisk trening, eller andre sosiale aktivitetar. 
Les meir.

Søknadsfrist for barnehageplass 2010-2011
Søknadsfrist for barnehageplass 2010-2011 (hovudopptak) er 15.03.2010. 
Les meir.

Søknadsfrist for kulturmidlar 2010
Samnanger kommune har for 2010 midlar til rådvelde for lag og organisasjonar som driv frivillig kulturarbeid. Søknadsfrist er 22.03.2010. 
Les meir.

Om ferdsel på isen i Samnanger
Det har den siste tida kome spørsmål om kommunen måler kor tjukk isen er på fjorden og på innsjøar i Samnanger og om kommunen kan gi informasjon om kor isen er trygg og eventuelt utrygg. Kommunen har dessverre ikkje kapasitet til å ta på seg slike oppgåver. 

All ferdsel på isen i Samnanger skjer på eige ansvar, både på fjorden og på innsjøar. Me rår til at ingen tek seg ut på isen utan at det er målt skikkeleg. Det skal vera minst 15 cm med stålis før isen er trygg. Dette bør foreldre eller andre vaksne ha sjekka før nokon slepp ut på isen. 

Ver også merksam på at om det vert målt tjukk nok (trygg) is ein stad, kan lokale variasjonar i ver-, straum- eller temperaturtilhøve gjera at isen ein annan stad ikkje er trygg! 

Kunngjering av vedtak om endringar av reguleringsplan for Ytre Tysse
Naturutvalet vedtok 03.02.2010 ein del mindre endringar i reguleringsplanen/reguleringsføresegnene for Ytre Tysse. Klikk på "Les meir" nedanfor for nærare informasjon. 
Les meir.

Informasjon om svineinfluensa/svineinfluensavaksine
(Oppdatert 18.01.2010)
Alle aldersgrupper i Samnanger har no hatt tilbod om vaksinering mot svineinfluensa. Siste vaksinasjonsdag var 12.01.2010. I Samnanger har 51% av innbyggjarane vorte vaksinerte, mot ca. 35% på landsbasis. Klikk på "Les meir" nedanfor for nærare informasjon om svineinfluensa. 
Les meir. 

Nye fritidstilbod til ungdom
I oktober 2009 vart det starta opp fleire nye fritidstilbod til ungdom frå 8. klasse og oppover; open gymsal/bading på ungdomsskulen, kurs i pilates og dans på Nordbygda skule. 

Tilboda om pilates og dans vil halda fram også i vinter/vår, på Gjerde skule på onsdagar. Tilbodet om open gymsal/bading går ut, fordi det var svært få som møtte opp på dette. 

Klikk på biletet til høgre for nærare informasjon om tilboda. 

Kommunale avgifter og gebyr for 2010
Kommunstyret vedtok 05.11.2009 satsar for kommunale avgifter og gebyr for 2010. 
Les meir.

Heimesider for kompetansenteret for småkraft
Kompetansesenteret for småkraft har eigne heimesider. Adressa er www.kraftsenteret.no. 

Ny legevaktordning frå 01.09.2009
Frå 01.09.2009 vart legevaktordninga i Samnanger endra. Det vart då starta opp felles legevaktordning for Os kommune og Samnanger kommune. Legevakta er lokalisert i Kolskogen på Os og er bemanna frå kl. 16.00 - 08.00 på kvardagar og heile døgnet på laur-/søn-/høgtidsdagar. 
Les meir.

Nytt NAV-kontor i Samnanger 
Opninga gjekk føre seg i dei nye lokala til NAV Samnanger på kommunehuset på Tysse tysdag 09.06.2009. Leiar for utvalet for oppvekst og omsorg, Kristian Jørgensen sytte for den høgtidelege opninga ved å knyta saman eitt raudt sløyfeband med, som han uttrykte det; ein skikkeleg ”kjerringaknute”. Klikk her for å sjå bilete frå opninga av det nye NAV-kontoret. 

Har du rett adresse? Står du oppført under rett gards og bruksnummer? Hugsa de å melda flytting for heile familien?
Når ein flyttar må ein melda det til folkeregisteret. Dette gjeld også når ein flyttar innanfor kommunen. I samband med tildelinga av husnummer, har det dukka opp problem ettersom ikkje alle samningar bur på den adressa som er oppgitt. 
Her finn du informasjon frå skatteetaten om å melda flytting.

Intenett-tenester på legekontoret
Samnanger helsetun har eigne internettsider, der du mellom anna kan bestilla legetime og fornya reseptar. Du finn også informasjon om tenestetilbodet på helsetunet. Web-adressa til Samnanger helsetun er www.samnanger-helsetun.no.

Informasjon om Miside.no
På innbyggjarportalen Miside.no får kvar enkelt innbyggjar i Noreg si eigen skreddarsydde side med offentlege elektroniske tenester og dialog med offentleg forvaltning. På Miside.no kan ein få utført ulike offentlege tenester, som til dømes byta fastlege, melda flytting, endra skattekort, bestilla helsetrygdkort eller søkja om fastrente på studielånet. Miside.no gir også kvar enkelt høve til innsyn i informasjon om seg sjølv i offentlege register.
Klikk her for å gå til Miside.no.

Ansvarleg redaktør: 
Tone Ramsli

Webredaktør: 
Jan Erik Boge