Badeplassar

Rolvsvåg

Romsleg friluftsområde med badevik, svaberg og kai som ligg på vegen til Os. Området har god tilkomst, er skilta frå hovudveg og er godt eigna for småbarnsfamiliar. Gangveg og sti gjennom området til utkikkspunkt, badevik og svaberg på nordsida. Toalett, parkeringsplass og informasjonstavle. I området finn du òg fortøyingsboltar, stupebrett på utsida, to faste grillar og fleire bord/benker. Området er tilrettelagt for rørslehemma med veg for rullestolbrukarar, handikaptilpassa toalett og baderampe. Området har grasmarker som er eigna for telting

Teigavika, Bjørkheim

Badeområde sentralt i Samnanger. Lett tilgjengeleg frå Samnangervegen og senteret på Bjørkheim, båe til fots, med sykkel eller andre transportmiddel. Svaberg, naust, treplatting, gråsteinsmuring ned i sjøen, fleirbruksflate / oppholdsareal, handikaptilpassa utetoalett, skjelsand og sykkel- og handikapparkering nede i området. Langgrunn badevik med skjelsand eigna for born. Baderampe for rørslehemma. Fast grill i øvre del. Sauna drifta av private.
Parkering i bakkant av senteret og langs sentrum av Bjørkheim. Gangveg ned i området og vidare bort til Grunnavågen (kaien / småbåthamna).

Gjerde

Romsleg badeområde sentralt i Samnanger, mellom Bjørkheim og Haga. Lett tilgjengeleg båe til fots, med sykkel eller andre transportmiddel. Svaberg, benkar, grasmark og langgrunn og stor strand. Barnevennleg. Ikkje tilpassa rullestolbrukarar grunna noko bratt tilkomst. Parkering i Nesodden.