Bustøtte
Målet med den statlege bustøtta er å sikre at personar med låg inntekt og høge buutgifter får ein passande stad å bu.
Dette er Husbanken si ordning, men det er kommunen som tar imot og registrerer søknadane for Husbanken.
Slik søkjer du
Søknadsfristen er den 25. kvar månad.
Du får eit svar frå oss innan 20. i månaden etter at du har søkt.
Trykk her for å gå til sida der Husbanken har søknadsskjema for bustøtte
Du kan velje eitt av to skjema:
- Bruk det elektroniske søknadsskjemaet dersom du har elektronisk ID og alle i husstanden din er registrert i folkeregisteret. Då får du berre spørsmål som er relevante for deg og din situasjon, og søknaden går digitalt til NAV Samnanger.
- Alternativt kan du fylle ut papirskjemaet, skrive det ut og levere det på servicesenteret på kommunehuset på Tysse, eller senda det til kommunen på ein av følgjande måtar:
- Postadresse: Samnanger kommune, Tyssevegen 217, 5650 Tysse
- eDialog: sikker løysing for digital sending av dokument til kommunen
Søknaden din kan innehalde sensitive opplysningar. Det er difor viktig at du ikkje sender søknaden på e-post.
Før du opnar søknadsskjemaet, leit fram følgjande opplysningar:
- Fødselsnummer til alle i husstanden din.
- Opplysningar om bustaden og buutgiftene dine.
- Opplysningar om inntekta di og eventuell formue.
Kva kostar det?
Det kostar ingenting å få handsama søknaden om bustøtte.
Kva får du?
Bustøtta heng saman med inntekta og formuen til deg og den eller dei du bur ilag med.
Skjer det vesentlege endringar i inntekta og/eller formuen til husstanden, må du melde ifrå til sakshandsamaren din i kommunen.
Trykk her for å gå til Husbanken sin bustøttekalkulator.
Krav til søkjar
Alle over 18 år kan søke bustøtte.
Bustøtte er ikkje for studentar eller personar i førstegongsteneste. Men du kan likevel søke om du:
- er student med born
- er student utan born og studiet er eit ledd i eit offentleg arbeidsretta tiltak
- er forelder til ein heimebuande student
- er forelder til ein i førstegongstenesta som ikkje bur heime
- er under 18 år og har eigne born
For å ha rett på bustøtte må du bu i ein eigen bustad med eigen inngang, eige bad og toalett, kjøkkenløysing og ein stad for kvile. Du kan likevel søke om du bur i eit kommunalt bufellesskap.
Klage på vedtak
Du kan klage på vedtaket, dersom du meiner at det byggjer på feil opplysningar.
Klagefristen er tre veker frå du har mottatt vedtaket. Klagen må vere skriftleg.
Trykk her for lese meir om korleis du kan klage på eit bustøttevedtak
Slik melder du frå om endringar
Du har plikt til å melde frå dersom det skjer endringar i nokre av opplysningane du har gjeve i søknad om bustøtte.