Språkopplæring

Slik går du fram

Ta kontakt med skulen der eleven går. Skulen skal gje deg informasjon og hjelpe deg vidare.

Skulen skal kartleggje kva kunnskap eleven har i norsk før vedtak vert gjort. Slik kartlegging skal også skje undervegs i opplæringa for å finne ut om eleven har tilstrekkeleg norskkunnskap til å følgje den vanlege undervisninga.

Kven kan få tilbodet?

• Eleven må ha anna morsmål enn norsk og samisk
• Eleven har ikkje gode nok kunnskaper i norsk til å følgje den ordinære undervisninga
• Det må vere eigna undervisningspersonale i kommunen (dette gjeld morsmålsundervisning og tospråkleg fagopplæring)

Kva undervisning kan du få?

• Særskilt norskopplæring som er opplæring i grunnleggjande norsk for språklege minoritetar.
• Morsmålsopplæring som er knytt til grunnleggjande lese- og skriveopplæring for småskuletrinnet.
• Tospråkleg fagopplæring som er opplæring i fag på morsmålet og på norsk.

Kva seier lova?

Trykk her for å lese om særskilt språkopplæring for elevar frå språklege minoritetar i Opplæringslova § 2-8.